تحدثت شيرين عبد الوهاب في تسجيل صوتي أرسلته للإعلامي عمرو أديب لعرضه في برنامج "الحكاية" للحديث عن أزمة التسريبات الصوتية لطليقها الفنان حسام حبيب التي يتحدث فيها عن شقيقها محمد عبد الوهاب.
وتصدرت شيرين عبد الوهاب تريند السوشيال ميديا وانتشرت صور عديدة جمعت بين شيرين وحسام حبيب علي صفحات مواقع التواصل الاجتماعي .
ومن أبرز الصور المنتشرة صور شيرين وحسام حبيب بملابس واطلالات مختلفة من بداية علاقتهم وارتباطهم وتظهر الصور التغير الكبير لملامح شيرين عبد الوهاب وتغير شكل ملابسها وإطلالاتها خلال زواجها من حسام حبيب حيث تغيرت ملامحها بشكل كبير مع زيادة وزنها بشكل ملحوظ .
نص تصريح شيرين عبد الوهاب
شيرين عبد الوهاب: "فوجئت باللي حصل على السوشيال ميديا بين محمد عبد الوهاب وحسام حبيب، وحبيت أكد أن كلام حسام مضبوط جدا، وأخويا فعلا باعني، والتصريح اللي نزل دا نزل من محامي محمد شاعر المستولي على السوشيال ميديا بتاعتي، وبالتوكيل أنا كنت عاملة له قديم، مضى له ورقة أو عقد تملكه من حساباتي، وموقعين بتاريخ قديم، كل كلام حسام حبيب مضبوط، وماتصدقوش أي حاجة من كلام محمد عبد الوهاب".
وقالت شيرين: أنا مابحبش اتكلم عن مشاكلي الشخصية دلوقتي، عشان ماشغلش حد، والناس ماتقعدش تقول احنا ماورناش غير شيرين ومشاكل شيرين، لكن لازم تفهموا أن في أغاني حلوة جدا جدا، توما عاملها وعزيز الشافعي ومدين، وفي حاجات بتخلص من التصريحات عشان المشاكل مع الشركة المنتجة، في حد بشخصه قاصد يقعدني في البيت، بنخلص الحاجات دي والأغاني هتنزل وهتعجبكوا جدا، وبإذن الله الأغاني هتعجبكم.
