أجابت جنة عليوة لاعبة المنتخب الوطني للدراجات عن سؤال: “ ما هو انطباعها من تمثيل اللاعبة شهد سعيد لمصر في أوليمبياد باريس 2024”، قائلة :" أنا مش فارق معايا شهد تمثل مصر أو لاء بس لو هتجيب ميدالية لمصر ده أكيد هيفرق معايا لكن شهد بنفسها ميفرقيش تسافر أو لاء المهم أنه يجيلي حقي".
الإجراءات القانونية بعد الحادث
وتحدثت “عليوة” خلال لقاء خاص أذاعته فضائية اكسترا نيوز، اليوم، الجمعة، عن ما اتخذته من إجراءات قانونية بعد الحادث، قائلة: “ انا بعد ما وقعت روحنا المستشفى وقبل ما اعمل أشعة اتكتبلي راحة 21 يوم من المستشفى، وبعد كده اتضح انه في كسر مضاعف.. والمستشفى هي اللي عملت محضر عشان دي حادثة وكملنا في المحضر وهي المفروض عندها جلسة”.
وعن الدوافع التي جعلت اللاعبة شهد سعيد تقوم بهذا التصرف، قالت جنة عليوة : “كان في مشاحنة قبلها عشان كنا كسبانين السباقين اليوم اللي قبله ودي كانت المرة الأولى ليهم يخسروا السباقين دول”، لافتة إلى أن اللاعبة شهد كانت تتبعها بشكل كبير وهدفها الأوحد أن تهزمها.
وعلقت جنة عليوة على ردود فعل الناس على الواقعة، قائلة: “ده من عند ربنا.. الناس شايفة الفيديو واضح وصريح ماعدا مدربها اللي شايف ان ده اختلال في التوازن.. الناس كلها شايفة الواقعة صح”.
