خرج أحمد عبد القادر لاعب الأهلي عن صمته وأطلق تصريحات قوية عبر صفحته الرسمية ردًا على الانتقادات التي يتعرض لها من قبل بعض صفحات السوشيال ميديا.
وعلق خالد الغندور عبر حسابه علي فيسبوك قائلا :"طول عمري شايف أحمد عبد القادر لاعب كبير مش واخد حقه وعرفت دلوقتي السبب والسوشيال ميديا ولجان القبض و الشتامين و صفحات الأندية اللي بتعمل نفسها بتحب نادي عشان تعمل فلوس من وراء الحب ده.
وتابع: "للاسف هذه الصفحات تشتم العبد لله لمجرد الدفاع عن النادي و طبعا بتبقي موجهة عن طريق اشخاص بيدفعوا بس الاهم انه يبان مؤدب و ابن ناس و مالوش علاقة بالشتيمة الصفحات هي اللي بتشتم بالنيابة عنه من بعيد لبعيد و كل انواع التنمر و العنصرية و الشتم واللعن اهم حاجة الصفحة تكسب و الممول للشتيمة يدفع و يكون مبسوط.
وأضاف "هؤلاء هيقولوا عليك طبال هزاز بتقبض بتاع فتن و تعصب و هما ملوك القبض مقابل الشتيمة و هما ملوك الفتنة و للاسف لا دين و لا ضمير حسبنا الله و نعم الوكيل ربنا ينتقم منكم"
وهاجم أحمد عبد القادر إحدى الصفحات الجماهيرية المنسوبة لجماهير النادي الاهلي، بعدما اعترضوا على أدائه وأسلوبه وكتب عبر حسابه علي "فيس بوك": "جمهور الأهلي أكبر منكم يا شويه هايفين ياللي بتقبضوا الفلوس علشان تعلو ده وتوطو ده أنا موسم كامل ساكت مفتحتش بوقي ومش هفتح بس فيه وقت لازم تتقوا ربنا فيه جو الأدمن بتاعكو والفلوس اللي بتتوزع عليكم وقدام عيني وحد عرض عليا أعمل حملات هجص ولقطه وهنعليك وهنخليك في السما دا مش عندي أنا ربنا بيكرمني علشان أنا عارف أنا بتعب ازاي وهفضل طول عمري شريف مش بتاع ألف والفين جنيه أبيع بيهم كرامتي فا بلاش انتو علشان انتو لا تمسو للنادي الاهلي باي شئ".
وأضاف:" النادي الأهلي أكبر نادي في العالم مش في مصر فا اللي أنتو عاوزينه ده مبعملوش والاجازه يا انا يصفحاتكو اللي كلها نفاق ورشاوي وبقولها لأخر مره أنا بتاع شغل مش بتاع رشاوي".
واختتم:" وبعدين لقطة ركز جو الملعب وسيبك منهم رد في الملعب رد في الملعب ايه ما تنضجو شويه لما حد بياخد فلوس ويغلط فيك سنه كاملة وأكتر ويشتم أهلك تقولي رد في الملعب ولما ترد يقولك متركزش معاهم مين قال أنهم فارقين معايا اصلا ولو انتو فعلا عندكو ذره ثقه وقلبكو كان جايبكو مكنش البوست اتمسح بعد ساعه علي طول بس انا اللي هنزله صباح الفل وجمعه مباركة".
